"Манчестер Юнайтед"нинг янги футболчиси Воут Вегхорст жамоа билан шартнома имзолаганидан сўнг ўз ҳис-туйғулари билан ўртоқлашди.

“Англияда тугалланмаган ишим бор. Биринчи марта ҳаммаси мен хоҳлагандек бўлмади ва ўзимни кўрсатишни, жамоага ёрдам беришни жуда хоҳлайман.

Албатта, гол уришни хоҳлайман. Ҳужумчиман ва ҳар бир ҳужумчи, менимча, биз голлар учун яшашимизни билади. Дам олиш куни гол уриш учун бутун ҳафта ишлаймиз. Ва айнан шу нарсага эришмоқчиман.

Ҳозир яхши формадамиз. Охирги ҳафталар ва ойларда ҳаммаси яхши кетмоқда ва мен фақат ўз вазифамни бажармоқчиман”, деди Вегхорст.

Вегхорст 2022/23 йилги мавсумнинг биринчи қисмини ижара асосида "Бешиктош"да ўтказди ва бунинг учун Туркия чемпионатининг 15 ўйинида 7 та гол урди.