“Наполи” ҳужумчи Виктор Осимхенни 140 миллион евро эвазига қўйиб юборишга тайёр.
Ҳозирда 24 ёшли нигериялик футболчига "Арсенал", "Манчестер Юнайтед" ва "Ньюкасл" клублари қизиқиш билдирмоқда.
Осимхеннинг ўзи келажагини июнгача ҳал қилишни режалаштирмаяпти, чунки у бор эътиборини Италия чемпионатида ғалаба қозонишга қаратмоқчи. Унинг амалдаги шартномаси 2025 йилгача мўлжалланган.
Осимхен жорий мавсумда “Наполи” сафида 17 та ўйинда майдонга тушиб, 13 та гол урди ва 3 та голга ассистентлик қилди.