"Арсенал" Леверкузеннинг "Байер" клуби ҳужумчиси Мусса Диабини ўз сафига қўшиб олмоқчи.
"Канонирлар" "Челси"га ўтган Михаил Мудрик трансфери билан муваффақиятсизликдан сўнг ҳужумнинг чап қанотини кучайтириш вариантларини қидирмоқда.
Диаби 2019 йилдан бери Леверкузеннинг "Байер" клубида тўп суради. 23 ёшли франциялик футболчининг клуб билан амалдаги шартномаси 2025 йилнинг 30 июнига қадар мўлжалланган. Transfermarkt портали футболчининг нархини 50 миллион еврога баҳоламоқда.
2022/23 йилги мавсумда Диаби "Байер" таркибида барча турнирларда 22 та ўйинда майдонга тушиб, 8 та гол урди ва 4 та голли узатмани амалга оширди.
