Роналдудан интервью олган журналист Пирс Морган «Манчестер Юнайтед» Криштиану Роналдусиз «Арсенал»га ютқазади, дея ҳисобламоқда.

«Канонирлар» мухлиси бўлган журналист, Роналду кетганидан кейин «Юнайтед» кучайдими, деган мазмундаги саволга жавоб берди.

«Якшанба куни жамоалар ўртасида бўладиган ўйин шу саволга жавоб беради ва «Юнайтед» қанчалик кучайганини билиб оламиз. Мен уларнинг бир нечта баҳсларини томоша қилдим. "МЮ" бир нечта жамоаларни мағлуб этди ва «Сити»га қарши учрашувда ижобий натижа қайд этди.

Келинг, олдиндан шов-шув кўтармаймиз. Ўйлашимча, биз [«Арсенал»] якшанба куни уларни бутунлай янчиб ташлаймиз. Ўшанда мен уларга футбол тарихидаги буюк футболчини ҳайдаб юбориш қандай оқибатларга олиб келиши мумкинлигини эслатаман.

Мен бошқа савол бермоқчиман: «Юнайтед»нинг ушбу таркибида кимдир жорий мавсумда Роналду ўтган мавсумда гол урганчалик гол ура оладими?» – деди Морган.

«Арсенал» ва «Манчестер Юнайтед» жамоалари ўртасидаги ўйин 22 январь Тошкент вақти билан 21:30да бошланади.