Москванинг “Динамо” клуби футболчиси Арсен Захарян қишда “Челси”га ўтмайди, деб хабар бермоқда PA Media.
Лондон клуби қизиқиш билдираётганига қарамай, трансфер яқин орада амалга ошмайди. Келишувга Россияга қарши санкциялар тўсқинлик қилишда давом этмоқда. Бироқ, "Челси" Арсенни кузатишда давом этади.
Арсен Захарян сўнгги трансфер ойнасида Лондон клубига ўтишга яқин турганди, бироқ томонлар бир тўхтамга кела олишмади. Ноябрь ойи охирида россиялик "Челси" билан узоқ муддатли шартнома имзолагани ҳақида маълумот пайдо бўлди.
Эслатиб ўтамиз, Арсен Захарян 2020 йилдан буён "Динамо" асосий жамоасида ўйнаб келмоқда. Ярим ҳимоячи жорий мавсумда Россия Премьер-лигасида 16 та ўйинда майдонга тушиб, 2 та гол урди ва 5 та голли узатмани амалга оширди.
