“Манчестер Сити” ва Норвегия терма жамоаси ҳужумчиси Эрлинг Холанд “Олтин тўп”ни қўлга киритиш ҳақида ўйламаслигини айтди.
“Барчамиз “Олтин тўп”ни қўлга киритишни хоҳлаймиз. Лекин бу ҳақда узоқ ўйлашнинг ҳожати йўқ, деб ўйлайман. Агар сиз ва сизнинг жамоангиз чиндан ҳам яхши ўйнасангиз, ажойиб натижаларга эришасиз, совринларни қўлга киритишни бошлайсиз ва, албатта, мукофот учун овоз беришда финалчилар қаторида бўласиз" - деди Холанд.
Норвегиялик футболчи Англия Премьер-лигаси тўпурарлари пойгасида ишончли тарзда пешқадамлик қилмоқда (21 гол), у энг яқин таъқибчиси "Тоттенхэм" ҳужумчиси Ҳарри Кейндан олтита гол фарқи билан олдинда.
Олдинроқ норвегиялик футболчи "Манчестер Сити" билан Чемпионлар лигасида ғолиб чиқиш ва терма жамоа билан жаҳон чемпионатида ўйнашни асосий мақсадлари эканини айтганди.
