"Барселона" ярим ҳимоячиси Ферран Торрес ҳозирги жамоасида қолишни истамоқда ва тез орада кетиш нияти йўқ. Бу ҳақда италиялик инсайдер Фабрицио Романо ижтимоий тармоқларда маълум қилди.
Эслатиб ўтамиз, аввалроқ “Барселона” раҳбарияти Торреснинг жорий мавсумдаги ўйинларидан ҳафсаласи пир бўлгани ҳақида хабарлар тарқалган эди. Жамоа бир йил аввал "Манчестер Сити" 55 миллион евро товон пули олган испанияликдан қутулишга қарши эмас.
Ферран жорий мавсум лигада иккита гол урди. Яқинда футболчи "Атлетико Мадрид" билан ўйинда қизил карточка олди, шу боис у дисквалификация туфайли Ла Лигадаги кейинги икки учрашувни ўтказиб юборади.
