Аргентина терма жамоаси ва «Тоттенхэм» ҳимоячиси Кристиан Ромеро ўзининг терма жамоадоши ва «ПСЖ» ҳужумчиси Лионель Мессини барча даврларнинг энг буюк футболчиси деб билади.

«Месси футбол нуқтаи назаридан нимани ифодалаши аниқ. Мен ва кўпчилик учун у тарихдаги энг буюк футболчи. У кундалик ҳаётда содда ва камтар, ва бу уни ажойиб тарзда бажаради», - дея Ромеронинг сўзларини келтиради DSports Radio.

2022 йилги жаҳон чемпионатида Месси Аргентина терма жамоаси билан биргаликда жаҳон чемпиони бўлди. Финалда унинг жамоаси Франциядан устун келди (3:3, пенальтилар - 4:2). Жаҳон чемпионатида форвард 7 та учрашувда қатнашиб, 7 та гол урди, 3 та голли узатмани амалга оширди ва турнирнинг энг яхши футболчиси деб топилди.

Жорий мавсумда 35 ёшли аргентиналик футболчи «ПСЖ» сафида барча турнирлар доирасида 20та ўйинда майдонга тушиб, 13та гол урди ва 14та голга ассистентлик қилди.