"Манчестер Сити" бош мураббийи Хосеп Гвардиола Англия Премьер-лигасидаги чемпионлик учун кураш ҳақида ўз фикрлари билан ўртоқлашди.

"Шаҳарликлар"нинг "Тоттенхэм"га қарши баҳсда (4:2) қўлга киритган иродали ғалабасидан сўнг, пешқадам - "Арсенал"дан беш очко ортда қолмоқда. Лекин "канонирлар" ҳисобида битта захира ўйини бор.

"Бизнинг рақибимиз "Арсенал" бўлиб, у кўзларида олов билан ўйнайди ва буни тушунса бўлади, чунки клуб йигирма йилдан бери Премьер-лигада ғолиб чиқмаяпти. Ташқаридан қараганда, "Манчестер Сити" ҳар доим осон келадигандек туюлиши мумкин, аммо рақибларимизга қаранг.

Агар шундай ўйнашда давом этсак, "Арсенал" билан орадаги фарқни йўқотамизми? Ҳеч қандай имконият йўқ", - деди Гвардиола.