Словакия терма жамоаси ва "Интер" марказий ҳимоячиси Милан Шкриньяр "нерадзурри" билан янги меҳнат шартномасини имзолашдан бош тортди. Бу ҳақда инсайдер Жанлука ди Марцио ижтимоий тармоқлар орқали маълум қилди.
Италия топ-клуби футболчига олти миллион евро маош билан янги шартнома таклиф қилди. У бонус сифатида яна 500 мингга яқин даромад олиши мумкин эди. Бу таклиф Шкриньярга маъқул келмади - словакиялик камида саккиз миллион евро ишлаб олмоқчи.
Шундай қилиб, Милан яқин келажакда жамоасини ўзгартириш эҳтимоли катта. Аввалроқ Франциянинг "ПСЖ" клуби ҳимоячига асосий даъвогар эди.