Slovakiya terma jamoasi va "Inter" markaziy himoyachisi Milan Shkrinyar "neradzurri" bilan yangi mehnat shartnomasini imzolashdan bosh tortdi. Bu haqda insayder Janluka di Marsio ijtimoiy tarmoqlar orqali ma’lum qildi.
Italiya top-klubi futbolchiga olti million yevro maosh bilan yangi shartnoma taklif qildi. U bonus sifatida yana 500 mingga yaqin daromad olishi mumkin edi. Bu taklif Shkrinyarga ma’qul kelmadi - slovakiyalik kamida sakkiz million yevro ishlab olmoqchi.
Shunday qilib, Milan yaqin kelajakda jamoasini o‘zgartirish ehtimoli katta. Avvalroq Fransiyaning "PSJ" klubi himoyachiga asosiy da’vogar edi.