Бугун "Арсенал" Леандро Троссард билан шартнома имзолаганини эълон қилди. Бельгиялик 28 ёшли ҳужумкор ярим ҳимоячи Лондон клуби билан узоқ муддатли шартнома имзолади, унинг шартлари ошкор қилинмаяпти.
"Арсенал" 22 январь куни "Манчестер Юнайтед"га қарши АПЛнинг навбатдаги ўйинида Леандро Троссарддан фойдаланишга умид қилмоқда.
"Барча ҳужжатлар юборилди ва умид қиламизки, Леандро якшанба куни "Манчестер Юнайтед"га қарши бўлиб ўтадиган ўйинда иштирок этишга рухсат олади", - дейилади "канонирлар" расмий сайтида.
"Арсенал" ҳозирда АПЛ турнир жадвалида пешқадамлик қилмоқда.
