"Милан" клуби ва Италия термаси собиқ ҳужумчиси Филиппо Инзаги "россонери"нинг ёшлар жамоаси бош мураббийи сифатида биринчи машғулотини ўтказди.
"Мени "жаноб" чақиришларини истайман. Мен энди Пиппо эмасман. Мени ҳамма мураббий деб чақиришмоқда.
Бугун эрталаб жуда ҳаяжонландим ва жуда асабийлашдим. Тан оламан, бунчалик мухлисларни ва илиқ кутиб олишларини кутмаган эдим.
Ўзим билан ишлаган мураббийлардан Бортоло Мутти ва Жиджи Каньилардан кўп нарса олдим. Албатта, Анчелоттидан ҳам мени кўп нарсаларга ўргатган. У бугун 8:30да қўнғироқ қилиб, машғулотни эслатди.
Мен тўрт ҳимоячи билан ўйнайман, бу - "Милан"нинг ақидаси. Ҳужум чизиғимда учта ҳужумчи бўлади, шунинг учун бу қоғозда ҳужумкор схема. Мен жамоада 2-3 яхши ҳужумчини кўрдим, аммо ўзим хоҳлаганларни топиш қийин.
Ўйинчи сифатида ҳар доим Чемпионлар лигасини ютишни хоҳлар эдим, энду бу мураббийлик мақсадим бўлиб қолади", - дея Индзагининг сўзларини келтиради Football Italia.
Қўшимча қиламиз, Индзагининг машғулотига "Милан"нинг 150 нафар ишқибози келган.