Италиянинг "Милан" клуби жамоа ҳужум чизиғида юзага келган танқисликни тўлдириш мақсадида ҳужумчи излашга тушган.
Миланликлар айни пайтда ўз эътиборларини "Севилья" ҳамда Испания терма жамоаси ҳужумчиси Альваро Негредога қаратганлар.
Италия матбуотининг хабарига кўра "Милан" Негредони кейинчалик сотиб олиш ҳуқуқи билан бир йилга ижарага олишни мўлжаллаб турибди.
"Россонерилар" "Реал" билан Кака борасида келишувга эриша олмаганларидан сўнг бор эътиборларини ҳужумчи чизиғига футболчи сотиб олишга қаратганлар. Негредодан ташқари, Марко Борьелло ҳам миланликларнинг нигоҳида турибди, дейилади хабарларда.
