Мадриднинг "Реал" клуби Карим Бенземанинг ўрнига ҳужумчи қидирмоқда. Номзодлардан бири “Наполи”дан Виктор Осимхен. El Nacional хабарига кўра, "қаймоқранглилар"нинг биринчи таклифи тахминан 60 миллион еврони ташкил қилади. Бироқ, А Серия клуби нигериялик учун 80 миллион евро ёки ундан кўпроқ пул талаб қилмоқда.

Виктор Осимхен "Наполи"да 2020 йилнинг кузидан буён "Лилл"дан трансфер қилинганидан кейин ўйнамоқда. 24 ёшли ҳужумчи Италия клуби сафида 81 та расмий ўйин ўтказиб, 42 та гол урган ва 13 та голли узатмани ҳамкорларига берган.

Айни дамда “Наполи” Италия чемпионатида пешқадамлик қилмоқда.