"Челси" ярим ҳимоячи Мойсес Кайседо учун "Брайтон" билан савдолашишга тайёр, деб ёзади инглиз ОАВлари.
Манбага кўра, лондонликлар футболчини 74 миллион еврога сотиб олишга тайёр. Аввалроқ, "Челси" "Брайтон"га трансфер учун 64 миллион евро таклиф қилган, аммо рад жавоби берилганди.
Жорий мавсумда эквадорлик футболчи инглиз клуби сафида 20 та ўйин ўтказиб, 1 та гол урди ва 1 та голли узатмани амалга оширди.
"Ливерпуль" ва "Ньюкасл" ҳам Кайседога даъвогарлар саналади.













