"Рома" қанот ҳужумчиси Николо Дзаньоло "Милан" билан шартнома борасида келишиб олди, дея хабар беради журналист Николо Скира.
Манбага кўра, “россонерилар” 23 ёшли италиялик футболчига 2027 йилнинг июнь ойи охиригача, бонусларни ҳисобга олмаганда 3,5 миллион евро маош билан шартнома таклиф қилган.
Футболчининг ўзи фаолиятини "Милан"да давом эттирмоқчи, айни дамда клуб "Рома" билан трансфер суммаси борасида музокара олиб бормоқда. Римликлар футболчи учун камида 30 миллион евро олмоқчи.
2022/23 йилги мавсумда Дзаньоло “Рома” сафида 17 та ўйинда майдонга тушиб, 2 та гол урди ва 3 та голли узатмани амалга оширди.
