"Тоттенхэм" ҳали ҳам "Спортинг" ҳимоячиси Педро Поррони ўз сафига қўшиб олмоқчи, дея хабар беради журналист Фабрицио Романо.
Манбанинг хабарига кўра, яқин орада инглиз клуби 23 ёшли испанияликнинг трансфери бўйича музокараларнинг янги босқичини ўтказади. "Тоттенхэм" футболчи учун бонусларни ҳисобга олмаганда 37 миллион евро тўлашга тайёр ва шартномага "шпорлар" футболчиларидан бири ҳам киритилиши мумкин.
2022/23 йилги мавсумда Порро “Спортинг” сафида барча мусобақаларда 24 та ўйинда майдонга тушиб, 3 та гол урди ва 11 та голли узатмани амалга оширди.
