"Tottenxem" hali ham "Sporting" himoyachisi Pedro Porroni o‘z safiga qo‘shib olmoqchi, deya xabar beradi jurnalist Fabrisio Romano.
Manbaning xabariga ko‘ra, yaqin orada ingliz klubi 23 yoshli ispaniyalikning transferi bo‘yicha muzokaralarning yangi bosqichini o‘tkazadi. "Tottenxem" futbolchi uchun bonuslarni hisobga olmaganda 37 million yevro to‘lashga tayyor va shartnomaga "shporlar" futbolchilaridan biri ham kiritilishi mumkin.
2022/23 yilgi mavsumda Porro “Sporting” safida barcha musobaqalarda 24 ta o‘yinda maydonga tushib, 3 ta gol urdi va 11 ta golli uzatmani amalga oshirdi.
