"Лидс Юнайтед" "Ювентус" ярим ҳимоячиси Уэстон Маккеннига қизиқмоқда. Журналист Фабрицио Романонинг фикрича, "товуслар" ушбу трансфер ойнасида ярим ҳимояни кучайтирмоқчи.
Олдинроқ "Ювентус" беш футболчиси билан хайрлашишга тайёр эканлиги маълум бўлганди. Улар америкаликни 40 миллион еврога баҳолаган.
Эслатиб ўтамиз, яқинда туринликлардан клубнинг молиявий фирибгарликда иштирок этгани учун жорий А Серия мавсумида 15 очко олиб ташланганди.
А Сериянинг жорий мавсумида Маккенни "кекса синьора" таркибида 15 та учрашув ўтказиб, битта гол урди ва битта голли узатмани амалга оширди.
"Лидс"нинг қисқа рўйхатидан Марокаш терма жамоаси ярим ҳимоячиси Аззедин Унаи ҳам бор, аввалроқ "товуслар" футболчининг трансфери бўйича "Анже"га таклиф билан чиққан эди.
