"Lids Yunayted" "Yuventus" yarim himoyachisi Ueston Makkenniga qiziqmoqda. Jurnalist Fabrisio Romanoning fikricha, "tovuslar" ushbu transfer oynasida yarim himoyani kuchaytirmoqchi.
Oldinroq "Yuventus" besh futbolchisi bilan xayrlashishga tayyor ekanligi ma’lum bo‘lgandi. Ular amerikalikni 40 million yevroga baholagan.
Eslatib o‘tamiz, yaqinda turinliklardan klubning moliyaviy firibgarlikda ishtirok etgani uchun joriy A Seriya mavsumida 15 ochko olib tashlangandi.
A Seriyaning joriy mavsumida Makkenni "keksa sinyora" tarkibida 15 ta uchrashuv o‘tkazib, bitta gol urdi va bitta golli uzatmani amalga oshirdi.
"Lids"ning qisqa ro‘yxatidan Marokash terma jamoasi yarim himoyachisi Azzedin Unai ham bor, avvalroq "tovuslar" futbolchining transferi bo‘yicha "Anje"ga taklif bilan chiqqan edi.
