Пол Мерсон Харри Кейнни дунёнинг энг яхши ҳужумчиси деб атади ва «Манчестер Юнайтед»ни уни «Тоттенхэм»дан сотиб олишга чақирди.

«Кейн – дунёнинг энг яхши марказий ҳужумчиси. Агар мен «Манчестер Юнайтед»нинг ўрнида бўлсам, эртага унинг учун 100 миллион фунт тўлаган бўлардим. Улар Антони учун шунчаки 80 миллион фунт сарфлашди, бироқ у Кейннинг ўрнини боса олмайди.

Кейн 37 ёшга тўлгунича ўйнай олади, чунки унга тезлик керак эмас, унинг ўйини бошқача. У ақлли, тўп узатиш ва гол уриш қобилияти ўзгармай қолаверади. Унда ҳамма нарса етарли.

Агар «МЮ» чемпионликка яқинлашишни истаса, уларга Кейн керак», - деди «Арсенал»нинг собиқ футболчиси.