Ярим ҳимоячи Кевин де Брюйне ўтган ҳафта "Тоттенхэм"га қарши ўйинда захирада қолдирилди. Бу ҳақда жамоа бош мураббийи Хосеп Гвардиола изоҳ берди.

"Биз бир-биримизни етти йилдан бери яхши биламиз. Кевин қачон тайёр, қачон тайёр эмаслигини биламан. Бу одатий ҳола. Бизда жуда кўп ўйинлар бор, баъзида бу позицияда бошқа турдаги ўйинчи керак бўлади. Баъзида бизга рақиб жарима майдончаси ичида кўпроқ ўйинчи керак бўлади ва Кевин бу борада муаммога дуч келмоқда. Бизнинг таркибда рақобат жуда кучли", - деди Гвардиола Goal билан суҳбатда.

Кевин де Брюйне "Манчестер Сити" сафида жами 333 та расмий ўйин ўтказган. Уларда бельгиялик футболчи 89 та гол ва 138 та голли узатмани амалга оширган.