Ярим ҳимоячи Хвича Кварацхелия “Наполи” машғулотларини қайта бошлади, деб хабар беради неаполликлар клуби матбуот хизмати.
21 ёшли ярим ҳимоячи бутун жамоа билан тренажёр залида ишлаган, кейин эса майдонда индивидуал дастур бўйича машғулот ўтказган.
Кварацхелия касаллиги туфайли сўнгги икки ўйинни ўтказиб юборди.
Жорий мавсумда вингер неаполликлар сафида барча турнирлар доирасида 20 та ўйинда майдонга тушиб, 9 та гол урди ва 12 та голли узатмани амалга оширди.