«Милан» инқирозга юз тутмоқда, Италия чемпионатининг навбатдаги тури доирасида жамоа «Лацио»га 0:4 ҳисобида мағлуб бўлди, шундан сўнг Паоло Мальдини журналистларнинг саволларига, шу жумладан, Стефано Пиолига ишониш керакми, деган саволга жавоб берди.
«Пиолига ишониш керакми? Бу мен эшитишни истамайдиган савол. У қўлидан келган барча ишларни қилмоқда. Биз чемпионатда иккинчимиз, Чемпионлар лигасида ўйнаяпмиз, бу бизда бир неча йиллардан бери бўлмаётганди, ўтган йили скудеттони қўлга киритган эдик, ҳозир иккинчи ўриндамиз.
Биз инқироздан биргаликда меҳнат орқали чиқишимиз керак», - деди Мальдини pianetamilan.it нашрига.
