"Интер" яқин орада италиялик ҳимоячи Алессандро Бастони ва туркиялик ярим ҳимоячи Хоқон Чалханўғлу билан амалдаги келишувларни узайтириш бўйича музокаралар олиб боради. Бу ҳақда журналист Фабрицио Романо хабар бермоқда.
Эслатиб ўтамиз, ҳар икки футболчининг амалдаги шартномаси 2024 йилнинг ёзига қадар тузилган.
23 ёшли Бастони 2017 йилнинг ёзидан буён “нерадзуррилар” шарафини ҳимоя қилиб келмоқда. Жорий мавсумда ҳимоячи жамоаси сафида 22 та ўйин ўтказиб, 5 та голли узатмани амалга оширган.
28 ёшли Чалханўғлу 25 учрашувда 3 та гол урди ва 5 та голли узатмани амалга оширди. Туркиялик футболчи “Интер” сафида 2021 йилдан буён ўйнаб келмоқда.
