"Лион" ярим ҳимоячиси Райан Шерки фаолиятини Франциянинг бошқа клубида давом эттириши мумкин.
Журналист Адриен Греньенинг ёзишича, Пабло Сарабиага ўринбосар излаётган "ПСЖ" "Лион" етакчиси футболчига кўз тиккан. Эслатиб ўтамиз, яқинда испаниялик Сарабиа 5 миллион евро эвазига "Вулверхэмптон"га ўтган эди.
19 ёшли Шеркининг "Лион" билан шартномаси кейинги мавсум охирида тугайди, шу боис парижликларда қишда ярим ҳимоячини қўлга киритиш учун яхши имконият бор.
Франциялик футболчи Лига 1 нинг жорий мавсумида бир гол ва учта голли узатмани амалга оширди. Transfermarkt портали ярим ҳимоячини 18 миллион еврога баҳоламоқда.
