Англиянинг "Лидс" клуби Туриннинг "Ювентус" ярим ҳимоячиси Уэстон Маккенни билан шартнома шартлари бўйича келишувга эришди.
Журналист Фабрицио Романонинг ижтимоий тармоқлардаги хабарига кўра, футболчи ва клуб ўзаро ҳамкорлик шартлари бўйича тўлиқ келишувга эришган.
Бироқ “Лидс” ҳали “Ювентус” билан товон пули борасида келиша олмади. Клублар 24 ёшли ярим ҳимоячининг трансфери борасида келишувга эриша олишмаяпти, бироқ барча томонлар келишувга эришиш имкониятига оптимистик қарашмоқда.
Аввалроқ, Маккеннига "Вест Хэм"дан ҳам қизиқиш борлиги ҳақида хабарлар тарқалган эди. Америкалик футболчи "Ювентус"да 2020 йилнинг ёзида "Шальке"дан кўчиб ўтганидан бери ўйнамоқда.
