Журналист Фабрицио Романонинг хабар беришича, Лондоннинг "Фулхэм" клуби "Арсенал" ҳимоячиси Седрик Соарешни ижарага олиш борасида келишувга эришишга яқин турибди.
Манбага кўра, ижара шартномаси муддати жорий мавсум охиригача мўлжалланади, сотиб олиш варианти тақдим этилмаган. Қайд этилишича, ижара муддати давомида "Фулхэм" 31 ёшли португалиялик футболчига маош тўлайди.
Соареш жорий мавсумда “канонирлар” сафида тўртта ўйинда майдонга тушди. Transfermarkt портали Португалия терма жамоаси футболчисини 4 миллион еврога баҳоламоқда.
"Фулхэм" ҳозирда Премьер-лигада 21 ўйиндан кейин 31 очко билан 7-ўринда бормоқда.
