"ПСЖ" "Лион"га ярим ҳимоячи Раян Шеркини максимал 15 миллион евро эвазига сотиб олишга тайёрлигини маълум қилди. Журналист Адриен Грениернинг сўзларига кўра, парижликлар футболчи учун белгиланган миқдордан ортиқ пул таклиф қилиш ниятида эмас.
19 ёшли Шеркининг шартномаси келаси мавсум охирида тугайдиган бўлса, "ПСЖ" чегирмага умид қилиши мумкин.
Шерки жорий мавсумда 1 та гол ва 3 та голли узатмани амалга оширди. Футболчи ўзининг хатти-ҳаракати билан клуб билан шартномасини узайтириш ниятида эмаслигини аниқ кўрсатиб турибди.