Қатардан қайтгач, Маркус Рэшфордни тўхтатиб бўлмай қолди - у аллақачон "Манчестер Юнайтед" сафида рақиблар дарвозасини 9 марта ишғол қилди. Бундан ташқари, англиялик голларни нишонлашнинг янги усулига эга - у хотиржамликни сақлайди ва бармоғини бошига ишора қилади.
Бу гол нишонлаш футболчилар орасида машҳур бўлиб улгурди - буни "Ньюкасл" аъзоси Жоэлинтон Лига кубогида "Саутгемптон"га гол урганида ва "Бавария" аъзоси Жошуа Киммих "Кёльн"га қарши ўйинда ҳисобни тенглаштирганида такрорланган.
Маркуснинг бу ишораси нимани англатади?
Миш-мишларга кўра, бу нишонлаш футболчининг руҳий саломатлиги яхшиланганидан далолат беради. Октябрь ойида Рэшфорд 2021/22 йилги мавсумда руҳий муаммолари борлигини маълум қилганди.
"Ўтган мавсумда менда психологик қийинчиликлар бор эди, гап менинг ўйинимда эмас, балки майдон ташқарисида содир бўлган баъзи нарсаларда. Ўтган мавсумда кўпинча ўйинлар олдидан руҳий ҳолатим тайёр эмас эди", деди "Манчестер Юнайтед" ҳужумчиси Sky Sports нашрига.
Маркуснинг янги гол нишонлаши унинг ажойиб жисмоний ва психологик шаклда эканлигининг тасдиғидир, деб ишонилмоқда.
