"Аталанта" ҳужумчиси Расмус Хейлунн Италия чемпионатини Испания Ла лигасига ўзгартириши мумкин.
El Nacional журналистларининг хабар беришича, 19 ёшли футболчининг трансферига "Барселона" қизиқиш билдирмоқда. “Кўк-анорранглилар” даниялик ҳужумчининг трансфери учун 40 миллион евро тўлашга тайёр. Расмусга каталонияликлардан ташқари Англия Премьер-лигаси вакиллари ҳам қизиқиш билдирмоқда.
Хейлунн ўтган ёзда Бергамода жамоаси сафига келиб қўшилганди. Италия А Сериясининг жорий мавсумида ҳужумчи 15 учрашувда 4 та гол ва битта голли узатмани амалга оширди.
