Франциялик собиқ футболчи Лилиан Тюрам ўғли қайси клубда ўйнашни истаётганини айтди.
Маркус Тюрам Мёнхенгладбахнинг "Боруссия" клуби билан шартномасини узайтирмоқчи эмас. У шу ой ёки ёзда клубни текинга тарк этади.
“Шубҳасиз, мен фарзандларим учун энг яхшисини хоҳлайман. Маркус аста-секин ўзининг аввалги шон-шуҳратига қайтаётган "Барселона"да ўйнашни орзу қилади. Агар у ўша ерда бўлса, жуда яхши бўлар эди", - дейди Лилиан Тюрам RAC1 нашрига.
"Барселона" 25 ёшли ҳужумчини сотиб олмоқчи. Унга "Челси", "Манчестер Юнайтед" ва "Интер" клублари ҳам қизиқиш билдирмоқда.
