«Манчестер Сити» бош мураббийи Пеп Гвардиола «Барселона»га ўтиш эҳтимоли ҳақида гапирди.
Гвардиола Mundo Deportivo нашрига берган интервьюсида исталган клубда ишлаши мумкинлиги, аммо «Барселона»дан таклиф тушса, дарҳол рози бўлишини, чунки бу унинг севимли клуби эканлигини айтди.
Мутахассиснинг таъкидлашича, унинг «кўк-анорранглилар» билан муносабатлари Микель Артетанинг «Арсенал»га содиқлигига ўхшайди. Гвардиола Артетани ҳурмат қилишини алоҳида таъкидлади.
Лондон клуби 19 турдан кейин 50 очко билан АПЛ турнир жадвалида пешқадамлик қилмоқда, Гвардиола шогирдлари эса 20 ўйиндан кейин 45 очко билан иккинчи ўринда бормоқда.
