Инглиз ОАВларининг ёзишича, "Манчестер Юнайтед"нинг собиқ бош мураббийи Ральф Рангник бир неча ой олдин клубнинг кийиниш хонасидаги муҳитни бузадиган учта футболчи номини айтган.
Рангник Оле-Гуннар Сульшер истефога чиқарилганидан сўнг "Манчестер Юнайтед" бош мураббийи бўлди, немис 21/22 мавсум якунлангач, бу лавозимни тарк этиши ва клуб маслаҳатчиси бўлиши тахмин қилинганди.
Рангник ўзининг янги ролига тайёргарлик кўриш учун клуб бошлиқлари учун жамоа ҳисоботини тузди. Бу қисман "Юнайтед" 10 та янги ўйинчи, жумладан Эрлинг Холанд ва Кристофер Нкунку билан шартнома имзолаши кераклигини айтди.
Бундан ташқари, рўйхатда, Рангникнинг сўзларига кўра, шерикларга ҳаддан ташқари таъсир ўтказган ва кийиниш хонасидаги муҳитни бузган клуб футболчиларининг номлари ҳам бор эди.
Улардан иккитаси ҳозир жамоада йўқ - булар ёзда "Ювентус" ва "Валенсия"га эркин агент сифатида кетган Поль Погба ва Эдинсон Кавани.
Рангник хайрлашмоқчи бўлган яна бир футболчи - Энтони Марсьяль. Ўша қишда у "Севилья"га ижарага ўтди, бироқ ёзда "Олд Траффорд"га қайтди ва ҳозирда Премьер-лигада 3 та гол уриб, таркибдан жой олиш учун курашмоқда.
