"Лион" президенти Жан-Мишель Олас ҳимоячи Мало Густо ва ҳужумчи Карл Токо-Экамби клубда қолишини тасдиқлади.
“Карл Токо-Экамби ва Мало Густо “Лион”да ўйнашда давом этишларини мамнуният билан тасдиқлайман. Камида 2023 йилнинг 30 июнига қадар”, — деб ёзди Олас Twitter саҳифасида.
Олдинроқ Токо-Экамби ижара асосида "Ренн"га ўтиши, Густога эса "Челси" ва "Манчестер Юнайтед" клублари қизиқаётгани ҳақида хабарлар тарқалган эди.
Густо "Лион" тарбияланувчиси. 2022/23 йилги мавсумда у лиганинг 15 та ўйинида қатнашиб, 1 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган. Transfermarkt.com портали футболчининг нархини 15 миллион еврога баҳоламоқда.













