"Lion" prezidenti Jan-Mishel Olas himoyachi Malo Gusto va hujumchi Karl Toko-Ekambi klubda qolishini tasdiqladi.
“Karl Toko-Ekambi va Malo Gusto “Lion”da o‘ynashda davom etishlarini mamnuniyat bilan tasdiqlayman. Kamida 2023 yilning 30 iyuniga qadar”, — deb yozdi Olas Twitter sahifasida.
Oldinroq Toko-Ekambi ijara asosida "Renn"ga o‘tishi, Gustoga esa "Chelsi" va "Manchester Yunayted" klublari qiziqayotgani haqida xabarlar tarqalgan edi.
Gusto "Lion" tarbiyalanuvchisi. 2022/23 yilgi mavsumda u liganing 15 ta o‘yinida qatnashib, 1 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan. Transfermarkt.com portali futbolchining narxini 15 million yevroga baholamoqda.