Мадриднинг “Реал” клуби бош мураббийи Карло Анчелотти “Қироллик клуби”нинг украиналик дарвозабони Андрей Луниндан норози. Бу ҳақда Relevo хабар бермоқда.
Манба берган хабарга кўра, италиялик мутахассис украиналикка ишонмайди ва "Реал" скаутларидан ўринбосар топишни сўраган. "Қаймоқранглилар"нинг селекция бўлими бошлиғи Жуни Калафат янги ўринбосар дарвозабон излайди.
Жорий мавсумда 23 ёшли Лунин еттита ўйин ўтказиб, тўртта гол ўтказиб юборди ва уч марта ўз дарвозасини дахлсиз қолдирди. Украиналик дарвозабон 2019 йилда "Реал Мадрид" футболчисига айланди. Мадрид клубидаги фаолияти давомида Лунин "Леганес", "Вальядолид" ва "Овьедо" клубларига ижарага ўтишга муваффақ бўлди. Унинг испан гранди билан шартномаси 2024 йилнинг ёзига қадар мўлжалланган.
