Аргентина ва Чили терма жамоаларининг собиқ бош мураббийи Марсело Бьелса тез орада Англия пойтахти Лондонга учиб, "Эвертон" билан шартнома борасида музокаралар олиб боради. Бу ҳақда инглиз журналисти Метт Лоу ўзининг "Twitter"ида хабар берди.
Манбага кўра, "Эвертон" раҳбарияти Бьелсани жамоани бошқаришга ҳали кўндира олгани йўқ, аммо клуб тез орада аргентиналик мутахассисдан ижобий жавоб олишга умид қилмоқда.
Эслатиб ўтамиз, аввалроқ "Эвертон" аввалги бош мураббий Фрэнк Лэмпардни истеъфога чиқарган эди. Бьелсанинг сўнгги иш жойи Англиянинг "Лидс" жамоаси бўлиб, у 2022 йилнинг февралида ишдан бўшатилган эди.
