Испания чемпионати биринчи тури доирасида “Валенсия” билан дуранг ўйнаган “Реал” бош мураббийи Жозе Моуриньо ўйиндан кейинги матбуот анжуманида шогирдлари яхши ўйнай олмаганини тан олди.
“Мен жамоамдан кўпроқ нарса кутгандим. Биз ўз даражамизда ўйнай олмадик. Бугун майдонда энг яхши ўйин кўрсатган “Валенсия” дарвозабони Диего Алвесни табриклайман. Ҳозир мени Пепенинг жароҳати кўпроқ хавотирга соляпти”, дейди Моуриньо.
“Албатта чемпионатни ғалаба билан бошлашни истагандик. Иккинчи бўлимда жуда кўплаб вазиятларни яратдик. Аммо, улардан фойдаланишда хатоларга йўл қўйдик. Умуман олганда, биз ҳали оптимал формамизга кириб олишимизга вақт керак”, дея Моуриньонинг сўзларидан парча келтирмоқда Goal.com