Дортмунднинг "Боруссия" клуби футболчи атрофидаги миш-мишларга қарамай, ўз ярим ҳимоячиси Жуд Беллингем учун ҳали таклиф олгани йўқ. Клуб спорт директори Себастьян Кеҳлнинг айтишича, "бамблар" англияликни сотиш бўйича аниқ таклифлар олмаган.
Аввалроқ “Боруссия” ёзда ўз футболчиси учун 100 миллион евродан ортиқ маблағ талаб қилиши ҳақида хабар берилганди. Ярим ҳимоячи учун "Реал", "Ливерпуль", "Манчестер Юнайтед", "Манчестер Сити" ва "Челси" каби клублар даъвогар сифатида кўриб чиқилмоқда.
Беллингем жорий мавсум Бундеслигада 4 та гол урди ва 3 та голли узатмани амалга оширди.
