"Челси"нинг ўнг қанот ҳимоячиси тўлиқ майдонга қайтишга тайёр. Журналист Метт Лоунинг фикрича, англиялик футболчи 3 февраль куни "Фулхэм"га қарши ўйинни асосий таркибда бошлаши мумкин.
Кузда Жеймс "Милан"га қарши ўйинда тиззасидан жиддий жароҳат олган ва шу сабаб жаҳон чемпионатини ўтказиб юборишга мажбур бўлганди. Декабрь ойида англиялик футболчи "Борнмут" билан ўйинда қайта жароҳат олди, шу сабабли у яна бир неча ҳафтага сафдан чиқди.
Жорий мавсумда Жеймс Англия Премьер-лигасида бир гол ва бир голли узатмага эга. Ёзда Рис клуб билан шартномасини 2027 йилгача узайтирди.
