"Арсенал" бош мураббийи Микель Артета Англия кубоги 1/16 финалида "Манчестер Сити"дан учралган мағлубиятдан сўнг (0:1) ҳужумчи Габриэль Мартинелли клуб билан янги шартнома имзолагани ҳақидаги маълумотни муҳокама қилишдан бош тортди.
"Мен ҳозир бирорта ўйинчимиз ҳақида гапирмоқчи эмасман", — дея Артета сўзларини келтирмоқда Sky Sports.
Аввалроқ, 21 ёшли Мартинелли ҳафтасига 200 минг фунт маош оладиган янги шартнома имзолаб, "Арсенал"нинг энг кўп маош олувчи футболчиларидан бирига айланиши мумкинлиги маълум бўлганди.
Жорий мавсумда ҳужумчи барча мусобақаларда 27 та ўйин ўтказиб, 7 та гол урди ва 3 та голли узатмани амалга оширди.
