"Интер" ҳимоячиси Милан Шкриньяр Милан клуби билан 2023 йилнинг 30 июнида тугайдиган шартномасини узайтирмайди ва "ПСЖ"нинг янги футболчисига айланади, дейди инсайдер Жанлука Ди Марцио.
27 ёшли словакиялик аллақачон Франция чемпиони билан олдиндан шартнома имзолаган: ҳозирча муҳокама қилинаётган ягона савол қишки трансфер ойнасида футболчини Италия жамоасидан сотиб олиш имконияти билан боғлиқ.
"ПСЖ" Шкриньяр учун "Интер"га 10 миллион евро тўлашга тайёр, аммо "нерадзуррилар" бу нархни жуда паст деб ҳисобламоқда. "Интер" январ ойида трансферга рухсат бериш учун камида икки баравар кўп пул талаб қилмоқда.
Жорий мавсумда Шкриньяр барча мусобақаларда 26 та ўйин ўтказиб, 1 та голли узатмани амалга оширди.
