"Реал" бош мураббийи Карло Анчелотти клубнинг трансфер бозоридаги ҳаракатларидан норози.
Олдинроқ "Реал Мадрид" президенти Флорентино Перес Испания Суперкубогида "Реал"нинг "Барса"дан учралган мағлубиятидан сўнг ғазаблангани ва Анчелоттини зудлик билан жавоб беришга чақиргани хабар қилинганди.
Relevo хабарига кўра, италиялик ўз ўрнида доимий равишда ишониши мумкин бўлган бор-йўғи 14-15 нафар футболчиси борлигидан шикоят қилмоқда.
Шу билан бирга, 63 ёшли мутахассис скаутларнинг биринчи навбатда янги қанот ҳимоячиларини олиш истагини қўллаб-қувватламайди. Унинг фикрича, ёздан бери гапираётган ҳужум чизиғини кучайтириш зарур.
Анчелотти клуб катта келишувга эришиш учун пул тежаётганидан хабардор (гап Килиан Мбаппе ва Жуд Беллингем даражасидаги трансферлар ҳақида кетмоқда), лекин у бундай трансферлар охир-оқибат амалга ошишига ишончи комил эмас.
