Италиялик журналист Жанлука Ди Марцио "Реал" бош мураббийи Карло Анчелотти ҳамон "Вест Хэм" ярим ҳимоячиси Деклан Райснинг ашаддий мухлиси эканлигини айтди.
"Эҳтимол, Деклан Райсга қизиқувчилар қаторига "Реал"ни ҳам қўшишимиз мумкин. Карло Анчелотти унининг ашаддий мухлисидир. Шундай экан, Карло Анчелотти Деклан Райсни яхши кўришини ҳисобга олсак, Мадрид клуби унга қизиқиш билдиришини мумкинлигини ҳеч қачон унутманг", - деди Ди Марцио.
24 ёшли Райс 2013 йилнинг ёзида Лондоннинг "Челси" академиясидан "Вест Хэм"га ўтган эди. Ўшандан бери ярим ҳимоячи "болғачилар"нинг асосий жамоасида 221 ўйинда майдонга тушиб, 11 та гол урди ва 12 та голли узатмани амалга оширди. Томонлар ўртасидаги келишув 2024 йилнинг ёзида якунига етади.
