"ПСЖ" бош мураббийи Кристоф Галтье жамоанинг қишки трансфер ойнасида янги футболчиларни қўлга киритишга уринишлари ҳақидаги маълумотларга изоҳ берди.
"Клуб камида битта футболчини олиб келиш устида ишламоқда. Бизда молиявий фэйр-плей билан боғлиқ жиддий чекловлар мавжуд. Биз таркибни кучайтирмоқчимиз, лекин шундай бўладими ёки йўқми, билмайман.
Юқорида айтиб ўтганимдек, ҳужум чизиғида бир ўйинчини йўқотганимиз сабабли, бу йўқотишнинг ўрнини янги ҳужумкор ўйинчи сотиб олиш орқали қопламоқчи эдик. Келинг, нима олишимизни кўриб чиқайлик. Эҳтимол, биз ҳеч кимни сотиб олмасмиз. Трансферлар билан клуб президенти ва Луиш Кампуш шуғулланади, мен ўйинларга тайёргарлик кўриш билан бандман", - деди Галтье RMC Sport билан суҳбатда.
"ПСЖ" ярим ҳимоячи Пабло Сарабиани "Вулверхэмптон"га сотиб юборди ва унинг ўрнига "Зенит" ва "Лион" ҳужумчилари Малком ва Райан Шеркининг вариантларини кўриб чиқмоқда. Бундан ташқари, парижликлар қишки трансфер ойнасида “Интер” ҳимоячиси Милан Шкриньярнинг трансфери устида ишламоқда.
