"PSJ" bosh murabbiyi Kristof Galtye jamoaning qishki transfer oynasida yangi futbolchilarni qo‘lga kiritishga urinishlari haqidagi ma’lumotlarga izoh berdi.
"Klub kamida bitta futbolchini olib kelish ustida ishlamoqda. Bizda moliyaviy feyr-pley bilan bog‘liq jiddiy cheklovlar mavjud. Biz tarkibni kuchaytirmoqchimiz, lekin shunday bo‘ladimi yoki yo‘qmi, bilmayman.
Yuqorida aytib o‘tganimdek, hujum chizig‘ida bir o‘yinchini yo‘qotganimiz sababli, bu yo‘qotishning o‘rnini yangi hujumkor o‘yinchi sotib olish orqali qoplamoqchi edik. Keling, nima olishimizni ko‘rib chiqaylik. Ehtimol, biz hech kimni sotib olmasmiz. Transferlar bilan klub prezidenti va Luish Kampush shug‘ullanadi, men o‘yinlarga tayyorgarlik ko‘rish bilan bandman", - dedi Galtye RMC Sport bilan suhbatda.
"PSJ" yarim himoyachi Pablo Sarabiani "Vulverxempton"ga sotib yubordi va uning o‘rniga "Zenit" va "Lion" hujumchilari Malkom va Rayan Sherkining variantlarini ko‘rib chiqmoqda. Bundan tashqari, parijliklar qishki transfer oynasida “Inter” himoyachisi Milan Shkrinyarning transferi ustida ishlamoqda.
