Португалиянинг "Спортинг" сафида ўйнаётган қанот ҳимоячиси Педро Порро АПЛга ўтишга яқин турибди. "Тоттенхэм" 23 ёшли испаниялик футболчини ўз сафига қўшиб олмоқчи.
Инсайдер Фабрицио Романонинг сўзларига кўра, “шпорлар” келишув тафсилотлари бўйича келишиб олган. Ҳимоячининг трансфери инглиз клубига 45 миллион еврога тушади. Порронинг лондонликлар билан тузадиган шартномаси 2028 йилнинг ўрталарига қадар амал қилади.
Португалия чемпионатининг жорий мавсумида Педро 14 та учрашувда қатнашиб, иккита гол ва олтита голли узатмани амалга оширди.
