"Рома" ўзининг нидерландиялик ҳимоячиси Рик Карсдорпни сотмоқчи. Бу ҳақда журналист Никола Скира маълум қилди.
Манбага кўра, "Рома" Карсдорпни доимий равишда бошқа клубга ўтказиш вариантларини қидирмоқда, бироқ фақат Италия А Серияси, Франтсия 1 ва Англия Премьер-лигаси жамоаларидан ижара таклифлари олган.
Нидерландиялик футболчи Рим жамоасида қолиши мумкин. Аввалроқ Карсдорпнинг ўйинини танқид қилган "бўрилар" бош мураббийи Жозе Моуриньо, агар футболчи клубда қолса, уни кечириши мумкин.
27 ёшли Карсдорп "Рома"га 2017 йилда келиб қўшилганди. Нидерландиялик ҳимоячи Рим клуби сафида 122 та ўйин ўтказиб, 1 та гол ва 13 та голли узатмага муаллифлик қилган.
